شعر جاوید کاظم پور در وصف ورزقان

شعر جاوید کاظم پور در وصف ورزقان

آذربـایجانین    بیردانـــه    سی                 ستارخانیــن  کاشــانه   سـی

قیزیل دی میس دی نشانـه سی                 هر زامان کفی سازدی  ورزقـان

جعفری نین فخرین ساتیر  ایرانـا                 چیچکلی نی گورن  قالیر حیرانا

بنزه  ییر   کامتـالداکی     جیـرانا                 والله هی  چوخ نازدی  ورزقـان

گول آخــیر  دا  سویـون   سسی                 بولبوللریــن    خوش   نفسـی

سویندیــرر        گلن       کسـی                 نغمه لی  بیر سازدی   ورزقــان

مرجی  سی  تـک  ،  بالی   تـک                 هاواسی تـک، باهـاری   تــک

اینان کی    بیر   قنــاری    تـک                 چوخ دا خوش آواز دی  ورزقان

شهرتی   چوختاننـان   اوجالیـب                 شاعـیر  بوردان  الهـام   آلـیب

آتالاردان   بــیر  سـوز   قالــیب                 قوناقـا   پیشوازدی    ورزقــان

گوروشور  سغندیـل ده     قدمتی                 جـوشـون  قالاسینـدا   هیبـتی

حسنؤو دا     گوزل       طبیعـتی                 اوز    آدینا    یازدی    ورزقــان

حرم   اوچـون   قـان    وریـبدی                 زینب  دیـیب ، جـان  وریـبدی

ولایـته       نشان       وریــبدی                 همیشه   سـربازدی     ورزقــان

سـنده   یاشیـیب  سـنده  سازام                 جاویـد”   اوغـلون     شـعربازام

نـقدر        تعریفـین      یــازام                  بـیلیرم کی    آزدی     ورزقــان